Главная » 2016 » Март » 27

Дунёнинг кичик ёшдаги қочоқлари: улар нимани орзу қилади?


  • voydodaxek
  • 28 Мар 2016(00:10)
  • 353
  • 1

Улар ҳам бошқа болалар каби ўқиб ўрганиш ва болалик гаштини суришга ҳақли эдилар.

 

Ҳар йили дунёнинг турли чеккаларида содир бўладиган урушлар, ўзаро келишмовчиликлар, ҳужумлар натижасида миллионлаб инсонлар ўз вататнини тарк этиб, бошқа мамлакатлар худудига қочоқ сифатида кетишга мужбур бўлишади. Кимдир вафот этади, кимдир манзилга етиб боради, кимлардир бошпана топа олмай бир неча йиллар давомида сарсон-саргардон бўлиб юради. Катталар майлия, аммо уларнинг фарзандлари, укалари, сингилларининг тақдири аянчли кечади. Ўтган 2015 йилда ҳам ўз юртидаги муаммолар сабаб Европа Иттифоқига қарийб 1,2 миллион қочоқлар келишган. Уларнинг аксарияти Сурия ва Афғонистон фуқаролари бўлган. Қочоқларнинг кўпчилиги Европа Иттифоқидаги лагерлар, ҳусусан, унинг чегараларидаги давлатларда қўним топишди. Камчилиги эса Иордания, Туркия, Ливан, Покистон, Эрон каби давлатларда яшаб кетиш учун курашишмоқда. Улар ушбу давлатларда оз бўлсада пул тўплаб, ўз ватанига қайтиб кетиш истагида яшаётган бўлишса, ажабмас.

Афсуски, қочоқларнинг бошқа давлатларга мажбурий сафарлари чоғида минглаб болалар бахтсиз ҳодисалар, касалликлар, ноқулай об-ҳаво шароити, очлик, толиқиш сабабли нобуд бўлишмоқда. Тирик қолганлар эса болалик гаштини суриш, шодон кунларда ота-онаси билан сайр қилиш, меҳмонга бориш, йилма-йил келадиган туғилган кунларини болалик билан хайрлашган ҳолда нишонлаш, мактабда таълим олиш, бирор ҳунар эгаси бўлиш ўрнига, бир бурда нон учун эртадан кечгача тер тўкиб, меҳнат қилишга мажбурлар. Улар катталар сафига вақтидан эрта кириб улгуришди. Қочоқ оилаларнинг аксарияти оила бошлиғини йўқотган ва оиладаги кичик болаларнинг ҳаёти оиладаги катта фарзандларга боғлиқ бўлганлари ҳам жуда кўп.

Биз навбатдаги мақола орқали ана шундай болаларнинг ҳаёти, инсон, бола сифатида нимани исташлари, қандай орзулари бор экани билан сизни таништирмоқчимиз. Суратлардаги болаларнинг кўриниши, нигоҳларида акс этган ҳаётнинг ўзиёқ, мурғак қалбларидан нималар кечаётганини аён этиб турибди.

Амна Зугхаяр 9 ёшда. У Суриянинг Дейр-эз-Зор шаҳридан. Амна Иорданиянинг Ал-Мафрак шаҳрида, Сурия чегараси яқинидаги ноқонуний чодир лагерида яшайди. Иорданияда жами 640 минг киши паноҳ топишди, уларнинг тенг ярми болалардир. Амна ва унинг дўстлари ўз ватанидаги урушгача бўлган тинч ва осойишта ҳаётни, мактаб чоғларини соғинишини айтмоқда.

Теги: Дунёнинг кичик ёшдаги қочоқлари: ул

Всего комментариев: 1
avatar
1 Yagona • 04:44, 28 Мар 2016
Ilohim Ozbekistonimizaga koz tegmasin hamisha tinchlik bolsin
avatar