Главная » 2015 » Декабрь » 26

CES 2016 ko‘rgazmasida LG yangi monitor va noutbuklarini taqdim etadi


  • News
  • 26 Дек 2015(15:03)
  • 372
  • 0
2016-yil 6—9-yanvar kunlari AQShning Las-Vegas shahrida bo‘lib o‘tadigan CES 2016 (Consumer Electronics Show 2016) ko‘rgazmasida tomonlari nisbati 21:9 ga teng UltraWide™ monitorlari, 4K o‘yin monitorlari va Ultra PC gram noutbukini taqdim etadi.

34 dyuymli botiq UltraWide™ QHD ekrani 3440×1440 pikselli bo‘lib, u IPS texnologiyasi va boshqa turli foydali funksiyalarga ega. Monitor faol geymerlardan raqamli media sohasidagi professionallargacha bo‘lgan keng doiradagi foydalanuvchilar talablarini qondira oladi.

LG, shuningdek, CES ko‘rgazmasi doirasida yassi UltraWide™ monitorini ham namoyish etadi. Tomonlari nisbati 21:9 bo‘lgan 34UM88 ekranida ranglar yuqori aniqlikda tasvirlanadi. Monitor ancha keng bo‘lgani sababli, unda bir vaqtning o‘zida fotosuratlarni ko‘rish va bir nechta dasturlarda ishlash mumkin.

CES ko‘rgazmasi ishtirokchilari LG’ning yangi portativ kompyuterlariga ham baho berishi mumkin bo‘ladi. 15,6 dyuymli ekraniga qaramay, LG gram 15 (15Z960 modeli) hajmi bo‘yicha 14 dyuymli noutbukdan ko‘p farq qilmaydi. 980 grammli LG gram 15 dunyoda 15 dyuymli eng yengil noutbukdir. U 6-avlod Intel® Core™ protsessoriga ega bo‘lib, Windows 10 operatsion tizimida ishlaydi.

Теги: CES 2016 ko‘rgazmasida LG yangi mon

Всего комментариев: 0
avatar