Главная » 2015 » Февраль » 3

Нилуфар Усмонованинг Истанбулдаги Концерт Дастури Тафсилотлари


  • Admin
  • 03 Фев 2015(20:55)
  • 574
  • 0

Эстрадамизнинг энг ёрқин намоёндаларидан бири, ҳофиза онасининг муносиб издоши, санъат оламида ўз ўрнига эга бўлган Нилуфар Усмонова, Туркиялик мухлисларини ҳушнуд этди. Ўзбек қизининг санъатига бўлган ҳурмат ва эътибордан, қардош миллатлар орасидаги дўстлик ришталари янада мустаҳкамлашганининг яққол намунаси, дейишимиз мумкин.

31 январь ҳамда 1 февраль кунлари Истанбул шаҳрида бўлиб ўтган концерт дастурида Нилуфар Усмонова ўзининг янги қўшиқлари билан бирга, репертуаридан жой олган энг сара ва хит тароналарини  армуғон этди.

Икки кунлик концертнинг биринчиси шаҳарнинг Осиёга, иккинчи куни эса Европага туташ томонларида бўлиб ўтди. Ҳар бир дастурга 450 та томошабин ташриф буюриши режалаштирилганди, аммо мухлислар сони шу даражада кўпайиб кеттики, мингга яқин томошабинларнинг анчаси тик оёқда дастурдан баҳраманд бўлишди, яна бир қанчаси севимли хонандасининг қўшиқларини ташқаридан туриб тинглашди.

Кутилмаган даражада аншлаг тарзда кечган концерт дастуридан нафақат мухлислар, балки Нилуфарнинг ўзи ҳам олам-олам завқ олди. Тўлиқ жонли тарзда ўтган дастурда Нилуфар, озарбайжонлик истеъдодли, энди кўзга кўриниб келаётган ёш хонанда билан биргаликда Юлдуз Усмонованинг “Ёлғон” номли қўшиғини куйлади.

Ўзбек шоу-бизнес оламида ижод қилаётган ёш хонандалар орасида Туркия давлатида ҳали ҳеч ким бу даражада мувафақиятли равишда концерт намойиш этмаганди. Бу эса тинимсиз меҳнат, профессионал ижодга ёндашув ҳамда мухлисларга бўлган муҳаббатнинг самараси, дейишимиз мумкин. Нилуфарни сайтимиз ижодкорлари номидан муваффақият билан муборакбод этамиз.      

 Фотолар муаллифи Истанбулдаги маҳсус муҳбиримиз Азиз Рауповга алоҳида миннатдорчилик билдирамиз.

Всего комментариев: 0
avatar