Главная » 2015 » Сентябрь » 9

Rayhon yerosti yo‘lida onasi bilan yotgan bolalarni asrab olish istagini bildirdi


  • News
  • 09 Сен 2015(09:33)
  • 1506
  • 0
Xonanda Rayhon Toshkent univermagi yaqinidagi yerosti yo‘lida ikki bolasi bilan yotgan ayol suratidan juda ta’sirlanganini va bolalarni asrab olishga tayyorligini bildirdi.

Eslatib o‘tamiz, ikki bolasi bilan yerosti yo‘lida uxlayotgan ayol surati shiddat bilan turli ijtimoiy tarmoqlarda tarqalib ketdi. Guvohlar ayolning ancha vaqtdan beri yerostida yotishini ma’lum qilgan. Ushbu suratni ko‘rgan ko‘pchilik internet foydalanuvchilari ko‘chada qolgan oilaga yordam berishga tayyorligini bildirgan edi, ular orasida xonanda Rayhon ham bor.

“Balki taqdir taqozosi bilan u ayol shunday hayotga majburdir, biroq bolalarini bu holatda boshini yeydi-ku. Hech bo‘lmasa vaqtinchalik bo‘lsa ham uning bolalarini o‘zimga ola qolay, yordam bering, suratni ko‘rgan sari yuragim chidamayapti. Turkiyaning sohiliga o‘ligi chiqib qolgan suriyalik bolakayning suratini ko‘rgach, o‘zimni ancha payt yig‘idan to‘xtata olmadim”, — deb “Sayyod.com” Rayhonning so‘zlaridan keltirmoqda.

Ma’lumot uchun, Rayhonning Islom va Imron ismli o‘g‘illari bor. Egizaklar 2014-yilning 5-mayida dunyoga kelgan.
Всего комментариев: 0
avatar