Главная » 2017 » Июнь » 23

“Ўзбекконцерт” хонандалар учун YouТube’га клип жойлашни тақиқлаб қўйди


  • Mirkarimoff
  • 23 Июн 2017(23:12)
  • 622
  • 0

Одатда клиплар телеэфирларга қўйилмаса ҳам, уларни интернет орқали тақдим этиш мумкин. Айниқса, YouТube видеохостингида клипларни намойиш қилиш анъанага айланган. Бироқ эндиликда бунинг учун ҳам “Ўзбекконцерт” давлат муассасасидан рухсат олиш керак бўлади.
 
Бу ҳақда муассаса қошидаги Махсус рухсатнома (лицензия) берувчи ташкилий бошқарма бошлиғи Одилжон Абдуқаҳҳоров хабар берди.
 
Унинг айтишича, мазкур қарор 1 июлдан бошлаб кучга киради. Клипларни YouТube’га жойлаштириш ҳуқуқини берувчи махсус бадиий кенгаш тузилади. Кенгаш ўз ишининг ҳақиқий устаси бўлган шоирлар, бастакорлар, клипмейкерлар, режиссёрлар ва бошқа ижодкорлардан иборат бўлади. Улар барча янги клипларни кўриб чиқиб, муҳокама қилишади ва халқона айтганда “сарагини саракка, пучагини пучакка” ажратишади. Кенгашнинг аниқ таркиби 1 июль куни маълум қилинади. Қайд этилишича, аъзолар вақти-вақти билан ўзгариб туради.
 
“Бундан асосий мақсад ўзбекона урф-одатларга хос бўлмаган, менталитетимизга тўғри келмайдиган, бачкана клипларнинг чиқиб кетишини олдини олишдан иборат”, деди Одилжон Абдуқаҳҳоров.
 
Шунингдек, клипларини расмий рухсатсиз интернетга жойлаган санъаткорларнинг лицензияси бекор қилиниши мумкин.
 
Албатта, ҳар яхшининг бир ёмони бор деганларидек, бу орқали бир тарафдан турли бемаъни қўшиқ ва клиплар тарқалишининг олди олинса, иккинчи томондан эса клипни суратга олиш учун сарфланган маблағ куйиб кетади. Шунинг учун ҳам янги қарорни ёқловчилар билан бир қаторда қораловчилар ҳам топилади.
 
Сарфлаган харажатларига куйиб қолишни истамаган хонандалар клип олишдан аввал махсус бадиий кенгаш билан маслаҳатлашса, мақсадга мувофиқ бўлади.

Всего комментариев: 0
avatar