Главная » 2015 » Август » 25

“Yoshlar” va “Navo” telekanallarida teskari ko‘rsatilgan O‘zbekiston bayrog‘i tuzatib qo‘yildi


  • MusicUz
  • 25 Авг 2015(15:49)
  • 2041
  • 1
Ijtimoiy tarmoqlar foydalanuvchilari 25-avgust kuni ertalab O‘zbekiston Milliy teleradiokompaniyasining “Yoshlar” va “Navo” telekanallarida O‘zbekiston mustaqilligining 24 yilligiga bag‘ishlab chiqarilgan maxsus belgida O‘zbekiston bayrog‘i teskari qo‘yilganini qayd etgan edi.

Skrinshotlarda ekranning yuqori chap tarafidagi “24 yil” belgisi ortidagi bayroqda ranglar teskari ko‘rinishda — yashil, oq va ko‘k ketma-ketligida keltirilgani ko‘rinib turadi. Ushbu holat ham “Yoshlar”, ham “Navo” telekanallarida kuzatilgan.

Mazkur holat ijtimoiy tarmoqlarda muhokama qilina boshlanganidan taxminan ikki soat o‘tgach, soat 10:00 dan keyin ushbu belgi bir muddat efirdan butunlay olib tashlangani kuzatildi.

Bloger Xushnudbek Xudayberdiyev yozishicha, keyinroq bayroq to‘g‘ri holatda ko‘rsatilgan belgi yana ikkala telekanal efirida ekranning chap yuqori qismida paydo bo‘ldi.

Теги: “Yoshlar” va “Navo” telekanallarida

Всего комментариев: 1
avatar
1 LoReaL • 21:34, 29 Авг 2015
Puaro korayotib etibor bermabman smile
avatar